Վրաստանի նախագահի՝ ազգային փոքրամասնությունների հարցերով խորհրդական Սոֆիկո Շամանիդին հանդիպել է Հայ Առաքելական եկեղեցու Վիրահայոց թեմի առաջնորդ Վազգեն եպիսկոպոս Միրզախանյանի հետ: Այս մասին տեղեկացնում է Վրաստանի նախագահի աշխատակազմի մամուլի ծառայությունը:
Նշվում է, որ հանդիպման ընթացքում կողմերը քննարկել են Հայ Առաքելական եկեղեցու խնդիրները եւ երկրում ազգային փոքրամասնությունների ոլորտում ստեղծված իրավիճակը:
Բացի այդ, քննարկվել է հուլիսի 19-ին Թբիլիսիի հայկական եկեղեցու մոտ տեղի ունեցած միջադեպը:
Կողմերը դատապարտել են բռնությունը եւ հույս հայտնել, որ նշված գործով հետաքննությունը շուտով կավարտվի: