News
Լրահոս
News
Երեքշաբթի
Մարտ 19
Տեսնել լրահոսը

ՀՀ անշարժ գույքի կադաստրի պետական կոմիտեի տվյալների համաձայն, մայրաքաղաք Երեւանի բնակարանային շուկայում հետեւյալ պատկերն է. մայիսի համեմատ, հունիսին բնակարանների առքուվաճառքի թիվը 14.7% նվազել է: Տարեկան կտրվածքով անկումը կազմել է 1.4%:

Հարկ է նկատել, որ Անշարժ գույքի կադաստրի պետական կոմիտեի հրապարակումներում նշված բնակարանների գներն առանձնանում են ֆենոմենալ կայունությամբ: Այսպես, հունիսին 1 քառ. մետրի համար Երեւանի Կենտրոն վարչական շրջանում բնակարանային միջին շուկայական գինն անփոփոխ է մնացել՝ 428 հազար դրամ:

Այս շրջանն էլիտար է համարվում, ժամանակին այստեղ բնակարանների գներն աճում էին, ինչպես սունկը՝ անձրեւից հետո: Այնուհետեւ, Հայաստանի համար ճգնաժամային 2009 թվականից հետո, «էլիտար» բնակարաններն ու առանձնատները սկսեցին էժանանալ: Սակայն անցյալ տարեսկզբից գները սկսեցին կանգ առնել:

Բազմազանության համար «բարձրացել են» մայրաքաղաքի այլ շրջանների բնակարանների գները: Պատկերն այսպիսին է. 0.1%-ից (Քանաքեռ-Զեյթուն վարչական շրջանում) մինչեւ առավելագույն՝ 2.5% (Նուբարաշենում): Նուբարաշենից բացի, մայրաքաղաքում գների «աճով» առանձնացել է Աջափնյակը. տարվա ընթացքում՝ 1.0%:

Զարմանալին այն է, որ նույն պաշտոնական տվյալներով, վերջին 1.5 տարիների ընթացքում մայրաքաղաքի ոչ մի շրջանում բնակարանների գները չեն էժանացել: Նշենք, որ դոլարի փոխարժեքի տատանման ազդեցությունը բնակարանների գնի վրա նվազագույնն է եղել. տարեկան դոլար-դրամ փոխարժեքի հարաբերակցությունը գործնականում նույն մակարդակի վրա է մնացել:

Մայրաքաղաք Երեւանում բնակարանային շուկայի վրա լրջորեն ազդում է բնակչության արտագաղթը: Բացի այդ, անապահով ընտանիքները փորձում են բնակարանային պայմանների գիտակցված վատթարացմամբ շտկել իրենց ֆինանսական դրությունը: Օրինակ՝ մայրաքաղաքի կենտրոնից փոխադրվում են ծայրամասային շրջաններ, կամ էլ մեծ մակերեսով բնակարանից՝ ավելի փոքր եւ այլն:

Դրա հետեւանքով պահանջարկի հանդեպ առաջարկի զգալի առավելությունն օբյեկտիվորեն խոչընդոտում է գների աճին: Այդ պատճառով ապահովված քաղաքացիները հնարավորություն են ունենում համեմատաբար ընդունելի գնով բնակարաններ եւ առանձնատներ ձեռք բերել:

!
Այս նյութը հասանելի է նաև   Русский
Տպել
Կարդացեք նաև
Ամբողջը
ՀՀ-ում կզրկեն արտասահմանում կազմակերպված ինտերնետ տոտալիզատորներին մասնակցելու հնարավորությունից
Պետք է արգելվի արտասահմանում կազմակերպված ինտերնետ տոտալիզատորներին մասնակցելու հնարավորությունը...
ՀՀ իշխանությունները հրաժարվել են մասնավորեցնել Վրաստանի սահմանին մոտ գտնվող օդանավակայանը
Ստեփանավանի մոտ գտնվող օդանավակայանը հանվել է մասնավորեցման ենթակա գույքի ցուցակից...
ՊԵԿ-ը 10 միլիոն դրամով տուգանել է «Երևան Սիթի»-ին
Պետական եկամուտների կոմիտեն տեղեկացնում է, որ 2024 թվականի փետրվար...
«Փաստ». Իբր փողի խնդիր չկա, բայց գնում են թե՛ գների, թե՛ հարկերի դրույքաչափի բարձրացման ճանապարհով
Որպեսզի տնային տնտեսությունների պայմաններում կարողանանք եկամուտն ավելացնել, պետք է կա՛մ մի քանի...
Դոլարն ու եվրոն էժանացել են
ԱՄՆ դոլարի փոխարժեքն այսօր՝ մարտի 18-ին, կազմել է…
Կանանց տնտեսական զորեղացման ուղղությամբ ՀՀ կողմից իրականացվող ծրագրերը ներկայացվել են Նյու Յորքում քննարկման շրջանակում
Անդրադառնալով կին ձեռներեցների գործունեությանը խրախուսելու ՀՀ կառավարության քաղաքականությանը՝ նախարար Մկրտչյանն այս գործընթացում...
Ամենաշատ