Թուրքական ATV հեռուստաընկերության եթերում իսլամական Ռամադան տոնին նվիրված հաղորդման ժամանակ Բեսրա անունով մի կնոջ են ցույց տվել, ով հայտարարել է, թե հայաստանցի եւ իսլամ է ցանկանում ընդունել:
Թուրք հայտնի լրագրող Նիհաթ Հաթիփօղլուի վարած հաղորդման ժամանակ ուղիղ եթերում մի կին է մտնում սրահ եւ հայտնում, որ 13 տարի առաջ Հայաստանից Թուրքիա է եկել: Նա շեշտել է, թե այդ պահին էլ Ռամադանի առթիվ պաս է պահում եւ ցանկանում է իսլամ ընդունել:
Հաղորդման բազմաթիվ մասնակիցների ներկայությամբ, ուղիղ եթերում հայ ներկայացած կինը իսլամ է ընդունել: Այս տեսանյութը մեծ տարածում է գտել թուրքական էլէկտրոնային բոլոր լրատվական կայքերում: