Փարիզի կենտրոնում տեղակայված հինգ հյուրանոցներ հաճախորդներին հյուրանոցային ծառայությունների վճարման նոր տեսակ են առաջարկում: Հյուրանոցում անցկացրած գիշերվա համար այցելուն վճարելու է այնքան, որքան հարկ կհամարի՝ կախված սենյակի հարմարավետությունից եւ սպասարկման որակից:
Ակցիային մասնակցելու համար բոլոր ցանկացողները կարող են կայքում հաշվառվել՝ նշելով ընտրած հյուրանոցն ու ժամանման հստակ ժամկետը: Ակցիային մասնակցում են Ֆրանսիայի մայրաքաղաքի 9-րդ եւ 11-րդ շրջանների 3 եւ 4 աստղանի հյուրանոցներ:
Հաստատությունների ղեկավարությունը նշում է, որ ազատ գին ունեցող սենյակների թիվը սահմանափակ է: Euromag-ի փոխանցմամբ, յուրաքանչյուր հյուրանոցում առանձնացվել է 2-3 սենյակ: