Մասաչուսեթսի տեխնոլոգիական ինստիտուտը եւ Հարվարդի համալսարանը ներկայացրել են բջջային հավելված, որը տարվա ընթացքում իրենց վրա թեսթավորել են երկու կամավորներ: Հավելվածը հետեւել է նրանց կյանքին եւ հնարավորություն ընձեռել եզրակացություններ անել աղիների մանրէաբանական կազմի եւ առողջության հետ դրա կապի վերաբերյալ:
Եվ այսպես, մարդիկ հավելվածում գրառել են ամենօրյա գործերը, սննդակարգը, մարզումները, տրամադրությունը: Հաշվի են առնվել նաեւ կղանքի եւ թքի նմուշները:
Այս ամենը վերլուծել են՝ հասկանալու համար, թե արտաքին ինչպիսի գործոններ են ամենից շատ ազդում աղեստամոքսային տրակտի մանրէաբանական կազմի վրա:
Պարզվել է, որ այն չի ազդել քնի, մարզումների եւ տրամադրության վրա: Ըստ Meddaily-ի, սակայն, այլ երկիր փոխադրվելը եւ սննդային թունավորումը հանգեցրել են նրան, նախապես գոյություն ունեցող մանրէները սկսել են մահանալ: Այսինքն՝ նախնական պատկերը զգալիորեն փոխվել է:
Գիտնականները հույս ունեն հետազոտություն անցկացնել ավելի մեծ թվով մարդկանց մասնակցությամբ: Այդ կօգնի հասկանալ, թե ինչպես կարելի է բուժել դիսբակտերիոզը, որն ազդում է ամբողջ օրգանիզմի վրա: