Գյումրիի պետական մանկավարժական ինստիտուտի ռեկտորի եղբոր՝ Հարություն Գրիգորյանի սպանության կասկածանքով ձերբակալված Արման Կատունյանը կալանավորվել է։ Այսօր՝ հուլիսի 30-ին, Շիրակի մարզի ընդհանուր իրավասության դատարանը բավարարել է երկամսյա կալանքը որպես խափանման միջոց ընտրելու նախաքննական մարմնի միջնորդությունը։ Կատունյանը տեղափոխվել է «Վարդաշեն» ՔԿՀ։ Այս մասին NEWS.am-ին հայտնեց Արման Կատունյանի փաստաբան Երվանդ Վարոսյանը՝ նշելով, Կատունյանն իրեն մեղավոր չի ճանաչում, իսկ նրա դեմ դեմ առաջադրված մեղադրանքի բովանդակությունը իրականությանն այդքան էլ չի համապատասխանում։
Հիշեցնենք, որ Կատունյանին մեղադրանք է առաջադրվել ՀՀ ՔՕ 104 հոդվածի առաջին եւ 235 հոդվածի առաջին մասերով (ապօրինաբար, դիտավորությամբ մեկ ուրիշին կյանքից զրկելը եւ ապօրինի զենք կրելը):
Ինչպես ավելի վաղ հղորդել էր NEWS.am-ը, Կատունյանը ՊՆ Շիրակի մարզի Ռազմական ոստիկանության քրեական հետախուզության բաժնի պետն էր։ Ըստ Գյումրիում տարածված տեղեկությունների՝ սպանության դրդապատճառը խանդն է։ Կատունյանի խոսքով՝ ռեկտորի եղբայրը երկար ժամանակ սիրահետել է իր կնոջը։