«Ալ-Քաիդա» ահաբեկչական խմբավորումը ավելի շատ գումարներ են ստանում պետությունների կառավարություններից՝ որպես իրենց կողմից գերեվարված քաղաքացիների փրկագին:
New York Times թերթը գրում է, որ 2008թ.-ից, ահաբեկիչները 125 մլն դոլար փրկագին են ստացել, հիմնականում եվրոպական երկրներից: Ընդ որում այդ գումարի կեսից ավելին՝ մոտ 66 մլն դոլար վճարվել է 2013թ.:
Պարբերականը նշում է, որ մասնավորապես 6 տարիների ընթացքում «Իսլամական Մահրիբի երկրներում Ալ-Քաիդան» Շվեյցարարիայից, Ավստրիայից, Իսպանիայից եւ Ֆրանսիայից մոտ 90 մլն դոլարի փրկագին է ստացել: Սակայն այդ երկրները հերքում են իրենց գերեվարված քաղաքացիներին փրկագին վճարելու մասին, հաղորդում է «Ռոսբալտը»: