ԱՄՆ Պետքարտուղարության հյուպատոսական գործերի բյուրոն ներկա պահին վիզա համակարգի հետ կապված տեխնիկական խնդիրներ ունի: Այդ մասին տեղեկատվություն է տարածվել Հայաստանում ԱՄՆ դեսպանատան ֆեյսբուքյան էջում:
«Դա զգալիորեն նվազեցրել է մեր կարողությունները, եւ կարող է շարունակվել այնքան ժամանակ, մինչեւ մենք արդեն իսկ կուտակված գործերին չկարողանանք ընթացք տալ եւ դրանք ավարտին հասցնել: Խնդիրը համաշխարհային բնույթի է եւ ամենեւին կապված չէ կոնկրետ որեւէ երկրի, քաղաքացիության կամ վիզայի տեսակի հետ:
Մենք փորձում ենք հրատապ լուծում տալ այս խնդրին եւ ակնկալում ենք, որ մեր համակարգը շատ շուտով դարձյալ լիարժեք կգործի: Նոր տեղեկությունների դեպքում բոլոր թարմացումները կտեղադրվեն http://travel.state.gov կայքում»,- ասվումէ հայտարարության մեջ: