Սանկտ-Պետերբուրգում ՀՀ գլխավոր հյուպատոս Հրայր Կարապետյանն, այսօր՝ հուլիսի 30-ին, հանդիպում է ունեցել Սանկտ-Պետերբուրգի Կառավարության ներդրումային կոմիտեի ղեկավար Դմիտրի Կրավցովի հետ:
Հանդիպման ընթացքում կողմերը քննարկել են Հայաստանի Հանրապետության եւ Սանկտ-Պետերբուրգի միջեւ առեւտրատնտեսական, գյուղատնտեսական եւ գիտատեխնիկական ոլորտներում փոխադարձ ներդրումների եւ տնտեսական փոխշահավետ համագործակցությանը վերաբերող հարցեր:
Քննարկվել են նաեւ մի շարք հարցեր կապված համատեղ ձեռնարկությունների ստեղծման ուղղությամբ: Ձեռք է բերվել պայմանավորվածություն նշված ծրագրերի իրականացման համար ստեղծել աշխատանքային խումբ: