Հուլիսի 30-ին Գազայի հատվածում մոտ 130 պաղեստինցի է զոհվել, որտեղ արդեն 23 օր է, շարունակվում է ընհանուր առմամբ 1,3 հազար մարդու կյանքը խլած իսրայելական ռազմական գործողությունը: Այդ մասին հաղորդել Պաղեստինի առողջապահության պաշտոնական ներկայացուցիչ Աշրաֆ ալ-Քիդրա:
«Այօրվա դրությամբ 129 մարդ զովել, 400-ը՝ վիրավորվել են: Գործողոթյան ողջ ընթացքում զոհվածների թիվը հասել է 1359, վիրավորվել՝ 7677-ը», լրագրողներին հայտնել է ալ-Քիդրան՝ հավելելով, որ Գազայի գլխավոր հիվանդանոցում այլեւս ազատ մահճակալ չի մնացել, հաղորդում է RBK-ը:
Անցած օրերի ամենաարյունալի դեպքերը ՄԱԿ-ի փախստականների դպրոցի ավերածությունն ու Գազայի մայրաքաղաքի արեւելյան թաղամասի շուկայի ռմբակոծությունն էին: Երկու միջադեպերի պատասխանատվությունը պաղեստինցիները վերագրում են Իսրայելին, որը դեռ խուսափում է մեկնաբանություններից:
Իսրայելական բանակը կորցրել է «Մագլան» հատուկ ստորաբաժանման իր երեք մարտիկներին: Նրանք դիտարկելիս են եղել Գազայի հատվածի հարավում գտնվող տանը հայտնաբերված ստորգետնյա ելքը, երբ պաղեստինցիները շենքում եւ թունելում թաքցրած երկու պայթուցիկ սարք են գործարկել:
Արշավի սկզբից Իսրայելի կողմից 56 զինծառայող եւ 3 խաղաղ բնակիչ է սպանվել:
