Կրթությունը կբարելավի Հայաստանի դիրքերը UNDP Մարդկային զարգացման ինդեքսում: Այդ մասին այսօր՝ հուլիսի 31-ին Կառավարության նիստի ժամանակ հայտարարեց վարչապետ Հովիկ Աբրահամյան:
Նա հիշեցրեց, որ հուլիսի 24-ին ՄԱԿ-ի զարգացման ծրագրի (UNDP) Մարդկային զարգացման ինդեքսում Հայաստանը զբաղցրել է 87-րդ տեղը՝ մնալով նույն տեղում: Բարելավումներ կարելի է ակնկալել,առաջին հերթին, կրթական համակարգից: «Լրիվ միջնակարգ կրթության տեւողությունը Հայաստանում կազմում է 12,3 տարի, սակայն գործնականում հանրապետությունում երեխաներն ու պատանիները սովորում են 10,8 տարի: Կրթության մակարդակի բարձրացումը կբարելավի Հայաստանի դիրքերը վարկանշում», - հավելեց վարչապետը:
Աբրահամյանը հիշեցրեց, որ այդ նպատակով, 2014թ. արդեն ուժի մեջ են մտել ոչ միայն բազային, այլեւ լրիվ 12-ամյա միջնակարգ կրթությունն ապահովող օրենսդարական փոփոխությունները:
Միեւնույն ժամանակ, նկատեց Աբրահամյանը, եթե ինդեքսին կցենք սոցիալական հասավարության-անհավասարության ուղղման գործակիցը, ապա Հայաստանը կբարձրանա մինչեւ 72-րդ տեղ եւ առաջ կանցնի Վրաստանից, Թուրքիայից ու Իրանից: