Արագածոտնի մարզի Արագածավան գյուղի պեռլիտի հանքում փլվածքի հետեւանքով մահացած 55-ամյա Վահրամ Ամիրխանյանը նույն գյուղի բնակիչ էր, երկար տարիներ էքսկավատոր էր վարում: Այս մասին NEWS.am-ին ասաց Արագածավանի գյուղապետ Անդրանիկ Պապիկյանը:
«Վահրամ Ամիրխանյանն ամուսնացած էր, 3 աղջիկ, 1 տղա ուներ. աղջիկներն ամուսնացել են»,- ասաց գյուղապետը:
Նրա խոսքով՝ հանքը շահագործվում է երկար տարիներ, սակայն երբեք նման դեպք տեղի չէր ունեցել:
Ավելի վաղ Արտակարգ իրավիճակների նախարարությունը հայտնել էր, որ հուլիսի 30-ին ժամը 16.47-ին Արագածավանի պեռլիտի հանքում քանդման աշխատանքների կատարման ժամանակ ժայռաբեկորներ են պոկվել եւ ընկել տրակտորի վրա, ինչից վարորդ Վահրամ Ամիրխանյանը տեղում մահացել է: