Յունիբանկը «ՎԵԳԱ» խանութների ցանցի հետ համատեղ ավանդատուների համար իրականացնում է նոր ակցիա: Բանկում նոր ավանդ ներդրած յուրաքանչյուր հաճախորդի` որպես նվեր, հանձնվում է քարտ դրամական միջոցներով` «ՎԵԳԱ» խանութներում գնումներ կատարելու համար: Քարտը տրամադրում է նաեւ 10% զեղչի եւ 3%-ի կուտակման հնարավորություն: Նվեր քարտն ավանդատուին հանձնվում է ավանդի ձեւակերպման պահին: Ակցիան անցկացվում է Յունիբանկի գլխամասային գրասենյակի եւ բոլոր 46 մասնաճյուղերի հաճախորդների համար:

Յունիբանկի մամուլի ծառայությունից հայտնում են, որ հունիսի 30-ի դրությամբ Յունիբանկի ավանդների ծավալը կազմել է ավելի քան 100 մլրդ ՀՀ դրամ` գերազանցելով նախորդ տարվա նույն ցուցանիշը 11%-ով: Բանկն առաջարկում է ինչպես ստանդարտ, այնպես էլ անվանական ավանդներ, որոնց պայմանները հնարավորություն են տալիս ավանդատուներին ընտրել խնայողությունները պահպանելու եւ բազմապատկելու արդյունավետ տարբերակ: Հաճախորդների կողմից ամենապահանջված ավանդատեսակներից մեկը “Շահավետ+”-ն է, որի եկամտաբերությունը, գումարը ՀՀ դրամով ավանդադրելու դեպքում, կազմում է 14% տարեկան: Ընդ որում, ավանդի ժամկետը կազմում է 91 օր եւ ավելի: Այն ավանդատուները, որոնք նախընտրում են գումարը պահել ԱՄՆ դոլարով, կարող են օգտվել Յունիբանկի ամառային ակցիայից` մինչեւ 8% տարեկան տոկոսադրույք 3 ամիս եւ ավելի ժամկետի համար: Բոլոր ավանդատուներին բանկն անվճար առաջարկում է նաեւ ArCa կամ Visa քարտ` ավանդի գումարի մինչեւ 5% վարկային սահմանաչափով եւ մինչեւ 45 օր արտոնյալ ժամանակահատվածով: