Հակաահաբեկչական գործողության (ՀԱԳ) ակտիվ փուլը պետք է ավարտվի մեկ ամսից էլ շուտ: Այս մասին հայտարարել է Ուկրաինայի զինված ուժերի գլխավոր շտաբի ղեկավար, գեներալ-լեյտենանտ Վիկտոր Մուժենկոն:
«Ես չէի ցանկանա հստակ ժամկետներ նշել, սակայն ակտիվ փուլը մոտ ապագայում կավարտվի: Կարծում եմ, որ… Չեմ ցանկանում նախապես գուշակություններ անել, օրերի եւ ամիսների թիվ նշել: Հավանաբար, այդ տեղի կունենա մեկ ամսից էլ շուտ»,- Մուժենկոյի խոսքերն է մեջբերում «Новое время»-ն:
Հարցին, արդյո՞ք այս պահին Ուկրաինային հարկավոր է զորահավաքի երրորդ ալիքը, որին վերջերս աջակցեց խորհրդարանը, Մուժենկոն պատասխանել է. «Զորահավաքն անհրաժեշտ է, սակայն, հավանաբար, հայտարարվածից ավելի փոքր ծավալներով: Հավանաբար, մենք դրան կհասնենք»,- ասել է բարձրաստիճան զինվորականը: