Եվրոգոտում գործազրկության եւ գնաճի մակարդակն անկում է ապրում: Այս մասին գրում է Газета.Ру-ն՝ հղում կատարելով Agence France-Presse գործակալությանը:
Եվրոգոտու տարածքում գործազրկության մակարդակը հունիսին հասել է 11.5%-ի՝ մայիսի 11.6%-ի փոխարեն, ինչն ամենացածրն է 2012 թվականի սեպտեմբերից ի վեր:
Հուլիսին գնաճն ընկել է մինչեւ 0.4%-ի՝ հունիսի 0.5%-ի փոխարեն: Սա ռեկորդային ցածր ցուցանիշ է 2009 թվականի վերջից ի վեր: Այսքան ցածր գնաճը շարունակում է գնանկման շուրջ անհանգստությունների տեղիք տալ: