Կոտայքի մարզի Արամուս գյուղում հուլիսի 30-ի երեկոյան 27-ամյա Պետրոս Կարախանյանին դանակահարած Նարեկ Պետրոսյանն անհատ ձեռներեց է, գյուղում փոքրիկ կրպակ ունի: Այս մասին NEWS.am-ին ասաց Հրայր Նիկողոսյանը:
Թե ինչ էր տեղի ունեցել, գյուղապետը տեղյակ չէր: Նա հայտնեց միայն, որ դանակահարված երիտասարդը Նարեկ Պետրոսյանի հորեղբոր աղջկա ամուսինն է:
Ըստ ոստիկանության՝ Պետրոս Կարախանյանն ստացել է կողակեղի ծակած վերք ձախից և ձախ բազկի ծակած վերք: Նա գտնվում է «Աբովյան» բժշկական կենտրոնում եւ ի վիճակի չի եղել հաղորդում տալու:
Փաստի առթիվ հարուցվել է քրեական գործ ՀՀ քրեական օրենսգրքի 112 հոդվածի 1-ին մասի հատկանիշներով: Նարեկ Պետրոսյանը ձերբակալված է:
Հուլիսի 30-ին, ժամը 22.25-ին, ոստիկանության Կոտայքի բաժնում հաղորդում է ստացվել, որ «» ախտորոշմամբ իրենց մոտ բուժօգնության է տեղափոխվել Արամուս գյուղի բնակիչ, 1987 թ. ծնված Պետրոս Կ.-ն, որը, ըստ բժշկի տեղեկանքի` Մեկնած օպերատիվ խումբը պարզել է, որ նույն օրը, ժամը 21.50-ի սահմաններում, Արամուս գյուղում, վիճաբանության ժամանակ, Պետրոս Կ.-ին դանակով հարվածել և վնասվածքները պատճառել է նույն գյուղի բնակիչ, 1991 թ. ծնված Նարեկ Պ.-ն:
Ձեռնարկված օպերատիվ-հետախուզական միջոցառումների շնորհիվ` հուլիսի 31-ին, ժամը 03.00-ին, Նարեկ Պ.-ն Արամուս գյուղից բերման է ենթարկվել ոստիկանության Կոտայքի բաժին: