Մարդկանց մեծ մասին ծանոթ է իրավիճակը, երբ ժամանելով օդանավակայան՝ ընդամենը մի քանի րոպե է մնում գրանցման ավարտին, սակայն դեռեւս պետք է հասցնել նաեւ կայանել ավտոմեքենան: Այդ մեծ սթրեսի է հանգեցնում:
Այդ պատճառով էլ գերմանական մի ընկերություն RAY ռոբոտ է ստեղծել: Այն բացարձակ ավտոմատացված ռոբոտ է, որը կարող է հոգ տանել ավտոմեքենան կայանելու մասին: Օրինակ՝ գերմանական Դյուսելդորֆում նման ռոբոտ արդեն կա: Infuture-ի փոխանցմամբ, գերմանացիները նրան վստահում են իրենց ավտոմեքենաների կայանումը:
RAY ռոբոտը հատուկ բեռնող-վերելակ է: Հարկավոր է միայն մեքենան թողնել կայանատեղիի առջեւ, իսկ այդ ռոբոտն անմիջապես կշտապի եւ կօգնի կայանել այն, իսկ դուք կարող եք գնալ գրանցման:
Հեղինակների խոսքով, հուսալի համակարգչով համալրված RAY ռոբոտը կարող է օպտիմալացնել կայանման տեղերը եւ 60%-ով ավելի մեքենա կայանել, քան այդ կարող էին անել մարդիկ ավանդական կայանատեղիում:
