Եվրամիությունը հատվածային պատժամիջոցներ է կիրառել 5 ռուսական բանկերի նկատմամբ՝ Սբերբանկ, ՎՏԲ, Գազպրոմբանկ, ՎԷԲ եւ Ռոսսելխոզբանկ, ասվում է Եվրամիության պաշտոնական ամսագրում, հաղորդում է «ԻՏԱՌ-ՏԱՍՍ»-ը:
Այսպիսով, նոր պատժամիջոցների ցուցակում են հայտնվել այն կազմակերպությունները, որոնցում պետության մասնակցությունը ուղղակիորեն կամ անուղղակիորեն գերազանցում է 50%-ը: Այդպիսիք են երկու առեւտրային բանկեր՝ՎՏԲ (60,9%) եւ Ռոսսելխոզբանկը (100%), ինչպես նաեւ մեկ զարգացման ինստիտուտ՝ ՎԷԲ (100%): Անուղղակիորեն պետությունը տիրապետում է նաեւ երկրի խոշորագույն՝ Սբերբանկին (Ռուսաստանի ԿԲ-ի միջոցով, 50 պլուս մեկ բաժնետոմս) եւ Գազպրոմբանկին՝ ՎԷԲ եւ Գազպրոմի միջոցով (Գազպրոմը տիրապետում բանկի բաժնետոմսերի 35,5414%-ին, Վնեշէկոնոմբանկի՝ 10.1906%):
