«Toyota» ընկերությունը մտադիր է անվանել իր առաջին ջրածնային «Mirai» մոդելը, ինչը ճապոներեն նշանակում է «ապագա»: Նախնական տվյալներով՝ նորույթի արժեքը կազմում է 69 հազար դոլար, հաղորդում է «Bloomberg»՝ վկայակոչելով տեղեկացված աղբյուրին:
Ճապոնական ավտոարտադրողի ներկայացուցիչ Դենի Չենը հրաժարվել է մեկնաբանել վկայությունն այն մասին, թե «Toyota»-ն գրանցել է «Mirai»-ն որպես ԱՄՆ-ի առեւտրական ապրանքանիշ: Նա հայտարարել է, որ մեքենայի անվանումը կհրապարակվի վաճառքում հայտնվելուց առաջ, որը տեղի կունենա 2015թ.-ի ապրիլին:
Ընկերությունում սպասում են, որ նորույթը կմրցակցի «Nissan» եւ «Tesla» էլեկտրամոբիլների հետ: Այն կունենա ուժային սարքավորում վառելիքային բջիջների հիման վրա՝ 136 ձիաուժ հզորությամբ:
Նշվում է, որ «Toyota»-ն արդեն առաջինն է հիբրիդային ավտոմեքենաների համաշխարհային շուկայում «Prius» մոդելով: Ուստի վերլուծաբաններ ենթադրում են՝ «Mirai»-ին կարող է սպասել նույնն իր անվանակարգում, հաղորդում է «Gazeta.ru»-ն:
