«Nissan» ընկերությունն արդեն աշխատում է միջին չափի ամենագնացի ստեղծման շուրջ, որի հիմքում «Navara» փիքափը կլինի: Այդ մասին հաղորդել է «Nissan Navara» նախագծի գլխավոր ինժեներ Տակաշի Ֆուկուին «The Motor Report» պարբերականին տված հարցազրույցում:
Ինչպես նշում է պարբերականը, նորույթը հանդես կգա որպես մրցակից «Chevrolet Trailblazer» եւ «Ford Everest» մոդելներին: Սպասվում է, որ այն կթողարկեն 2015թ.-ին:
Մեքենայի շարժիչային գիծը դեռ հաստատված չէ: «Navara»-ն աշխատում է 2,5 լիտր ծավալով բենզինային շարժիչով 163 ձիաուժ հզորությամբ եւ 190 ձիաուժ՝ նույն ծավալի դիզելով:
