Ամերիկյան եւ կորեական մոլորակաբանները հստակեցրել են նոր գործոնները, որոնք Լուսնի վրա ազդել են այնպես, որ այն կիտրոնանման ձեւ է ստացել: Այս մասին գրում է Universe Today-ը:
Նախորդ հետազոտության արդյունքներում նշվում էր, որ Լուսինը կիտրոնի ձեւ ձեռք է բերել շուրջ 4 մլրդ տարի առաջ, սառչելու ընթացքում: Գիտնականները նաեւ պարզել էին, որ Լուսնի ձեւավորման գործընթացի վրա ազդել է Երկրի ձգողականությունը:
Նոր հետազոտության մեջ գիտնականներն ուշադրությունը կենտրոնացրել են մակընթացային ալիքների վրա: Մասնագետների կարծիքով, Լուսնի վրա երկրային ձգողականությամբ պայմանավորված մակընթացային ալիքները բերել են արբանյակի ներքին շերտերի շփման: Այս երեւույթն արտահայտվել է Լուսնի հասարակածի ուռուցիկ տեսքի վրա:
Ըստ BFM.ru-ի, վերջերս մեկ այլ հետազոտություն է հրապարակվել, որի համաձայն, նույնիսկ հիմա Լուսնի միջուկը շրջապատված է տաք հեղուկով: