ԵԱՀԿ դիտորդներին հուլիսի 31-ին հաջողվել է հետազոտել Ուկրաինայում մալազիական «Boeing»-ի վթարի վայրը, սակայն ավիավթարի գոտու ճանապարհին նրանք կարող էին հայտնվել գնդակոծության ներքո, հաղորդել է ինքնահռչակ Դոնեցկի ժողովրդական հանրապետության(ԴԺՀ) անվտանգության խորհրդի անդամ Սերգեյ Կավտարաձեն, հայտնում է «ՌԻԱ Նովոստին»:
«Հաշվի առնելով այն, որ նրանք անցում էին ռազմական գործողությունների գոտիով, դա չի բացառվում»,- հավելել է նա՝ պատասխանելով այն հարցին, թե հայտնի է արդյոք նիրան ԵԱՀԿ փորձագետների գնդակոծության մասին: Կավտարաձեի խոսքով՝ «անմիջապես ԵԱՀԿ դիտորդների» ունեցած տեղեկությունների համաձայն, օդանավաի հետազոտության պահին նրանք վթարի վայրում ինքնաձիգի կրակոցների ձայներ են լսել:
ԴԺՀ ներկայացուցիչներին հաջողվել է, նշել է նա, մասնագետներին ուղեկցել մինչեւ վթարի վայր: «Դա տեղի է ունեցել մի քանի օր անց այն բանից հետո, երբ փորձագետներին հաջողվել է ինքնաթիռի վթարի վայր հասնել, քանի որ ուկրաինական զորքերը շարունակում էին գործողությունն օդանավի վթարի վայրում՝ կիրառելով նաեւ ծանր տեխնիկա»,- նշել է Կավտարաձեն:
Հիշեցնենք, որ հոլանդացի եւ ավստրալիացի փորձագետներն ու ոստիկանները չորս օր շարունակ չէին կարողանում վթարի վայր հասնել, եւ հուլիսի 31-ն առաջին օր էր, երբ խումբը երեք մեքենավոր կարողացավ դեպքի վայր հասնել: