14 ավտոմեքենաներից բաղկացած շարասյունը, որոնցում գտնվում են միջազգային փորձագետներ, ինչպես նաեւ ԵԱՀԿ առաքելության դիտորդներ, ուղեւորվում են արեւելյան Ուկրաինա՝ Բոինգի կործանման վայր:
Այդ մասին ասվում է ԵԱՀԿ հատուկ առաքելության նախագահ Մայքլ Բոչուրկիվի թվիթերյան հաղորդագրությունում:
«ԵԱՀԿ առաքելության ուղեկցությամբ եւ 14 ավտոմեքենաներից բաղկացած ուղեկցորդ պահակախումբը ուղեւերվում է МН17 թռիչքի կործանման վայր՝ օգտագործելով հյուսիսային, ստուգված երթուղին», - ասվում է հաղորդագրությունում:
Հիշեցնենք, որ հուլիսի 31-ին միջազգային փորձագետները կործանման վայրում մնացել են 1,5 ժամ. գնդակոծության սպառնալիքի պատճառով նրանք հարկադրված են եղել դադարեցնել իրենց աշխատանքները:
Նույն օրը երեկոյան ԵԱՀԿ առաքելության ղեկավար Ալեքսանդր Հուգը հայտարարել է, որ մասնագետները կժամանեն ինքնաթիռի կործանման վայր՝ շրջանցելով վտանգավոր շրջանները:
