ԱՄՆ քաղավիացիայի դաշնային վարչությունը ամերիկյան ավիաընկերություններին արգելել է Իրաքի տարածքում 30 հազար ֆուտ բարձրությունից ցածր թռչել (10 կմ), հաղորդում է «Ինտերֆաքսը»:
Գերատեսչությունում հստակեցրել են, որ կանոններում տեղ գտած փոփոխությունները պայմանավորված են Իրաքում «Իսլամական պետություն» սուննի խմբավորման գործողությունների պատճառով շարունակվող հակամարտությամբ:
Ավելի վաղ, ԱՄՆ օդանավերի համար իրաքյան տարածքով թռիչքի թույլատրված բարձրությունը սահմանափակվում էր 6 կմ-ով:
Քաղավիացիայի դաշնային վարչությունը արգելել է նաեւ իր ավիաընկերություններին օգտվել Էրբիլ եւ Սուլեյման քաղաքներում (Իրաքյան Քուրդիստան) տեղակայված երկու միջազգային օդանավակայաններից: