Բրիտանական Փիթերբորո քաղաքի թագավորական դատարանը շնունդով Լատվիայից Մարինա Ուսաչովին դատապարտել է 3 տարվա ազատազրկման՝ ավտոմեքենայի ղեկին գտնվելիս միանգամից երկու բջջային հեռախոս օգտագործելու համար: Այս մասին գրում է Газета.Ру-ն՝ հղում կատարելով The Independent պարբերականին:
Մեղադրող կողմը հայտարարել է, որ Ուսաչովան Jaguar X-Type-ով ավելի քան 100 կմ/ժ արագությամբ երթեւեկելիս SMS հաղորդագրություններ է ուղարկել եւ զրուցել միանգամից երկու բջջայինով: Մեղադրյալի ավտոմեքենան բախվել է Peugeot 206-ին, ինչի արդյունքում մեքենայի 27-ամյա վարորդ Սուկդիփ Սինգհ Ջոհալը զոհվել է:
Վթարից հետո Ուսաչովան ոստիկանության սպաներին հայտարարել է, որ ղեկին հեռախոս չի օգտագործել, սակայն հետաքննության ընթացքում պարզվել է, որ նա ստում է:
Դատարանը նրան նաեւ 8 տարի ժամկետով զրկել է վարորդական իրավունքից: Նշվում է, որ նախկինում նույնպես Ուսաչովային երկու անգամ նկատել են մեքենա վարելու ժամանակ բջջայինով խոսելիս: