Ուկրաինայի կառավարության աշխատակազմը Պետական ֆիսկալ ծառայությանը հանձնարարել է կազմել Ուկրաինայի տարածքում գործող ռուսական ընկերությունների ցուցակները, հաղորդում է «Ինտերֆաքսը»:
Ցուցակներն անհրաժեշտ են ընկերությունների նկատմամբ պատժամիջոցներ կիրառելու հնարավորության ուսումնասիրության համար: Այդ մասին հաղորդել է ծառայության ղեկավար Իգոր Բիլոուսը Կիեւում կայացած հակակոռուպցիոն ֆորումի ժամանակ:
«Մենք այդ նախաձեռնությունը ստացել ենք վարչապետից եւ արդեն կազմել ենք Ուկրաինայում ռուսական կապիտալով ընկերությունների ցուցակները: Դա վերաբերում է ինչպես մեծ, այնպես էլ միջին եւ փոքր ընկերություններին: Համապատասխանաբար, այժմ կառավարությունում կամ ազգային անվտանգության եւ պաշտպանության խորհրդում որոշակի պատժամիջոցների կիրառման հնարավորության շուրջ որոշում կընդունվի», - հստակեցրեց Բիլոուսը: