Եթե հանկարծ սահմանին վտանգ լինի, ամբողջ ազգը մեկ րոպե հետո կլինի այնտեղ՝ պատրաստ օգնելու բանակին: NEWS.am-ի հետ զրույցում նման կարծիք հայտնեց ԱԺ ՀՀԿ-ական պատգամավոր, Արցախյան ազատամարտի մասնակից Առաքել Մովսիսյանը՝ անդրադառնալով Տավուշի մարզի սահմանամերձ գյուղերի վերջին օրերի գնդակոծություններին:
«Մենք հաղթած պետություն ենք, պետք չի խուճապի մատնվել: Մեր բանակը շատ հզոր կանգնած է իր տեղում, ոչ մեկը թող խուճապի չմատնվի: Սխալ ինֆորմացիա են տալիս, ամոթ ա, մենք հաղթած պետություն ենք: Աստված չանի մի բան լինի, նույն վայրկյանին մենք բոլորս մի մարդու պես այնտեղ կանգնած ենք: Հա իհարկե, մենք պիտի պատրաստ լինենք, բայց նորից եմ ասում՝ խուճապի չպիտի մատնվենք»,- ասաց ՀՀԿ-ական պատգամավորը:
Անդրադառնալով սահմանամերձ գյուղերի բնակիչներին՝ Առաքել Մովսիսյանն ընդգծեց, որ գյուղացիներն իրենց առօրյա կյանքով ապրում են.« Դե հիմա կրակում են, ի՞նչ անենք, պետք չի խուճապի մատնվել»:
Նշենք, որ վերջին օրերին ադրբեջանական կողմը ինտենսիվ գնդակոծում է հայկական գյուղերը:
Լուսանկարը՝ Արսեն Սարգսյանի/NEWS.am