«Պատմամշակութային արգելոց-թանգարանների եւ պատմական միջավայրի պահպանության ծառայություն» ՊՈԱԿ-ի Տավուշի ՊՄՊ մարզային ծառայության հուշարձանի պահապանը հուլիսի 29-ին հուշարձանի տարածք կատարած հերթական շրջայցի ժամանակ արձանագրել է, որ այրվել է Իջեւանից 6 կմ հեռավորության վրա գտնվող /պետ. ցուցիչ ` 10.1.16.1 / Դանիելի խաչ եկեղեցու դռան մի հատվածը: Կատարվածի մասին հուշարձանի պահապանը զեկուցել է ՊՄՊ մարզային ծառայության պետին: Վերջինս էլ չբացառելով դիտավորության հանգամանքը եւ նկատի ունենալով, որ հուշարձանի նկատմամբ իրավախախտում է տեղի ունեցել, հուլիսի 30-ի առավոտյան գրավոր դիմել է ՀՀ ոստիկանության Տավուշի մարզային վարչության Իջեւանի բաժին` միջոցներ ձեռնարկելու եւ կատարվածի հանգամանքները պարզելու համար: Կատարվում է քննություն:
Քննությունն իրականացնող մարմինը վնասի չափը հստակեցնելու նկատառումով կդիմի լիազոր մարմնին: Կձեւավորվի համապատասխան մասնագիտական հանձնաժողով` հուշարձանին պատճառված վնասի չափը գնահատելու համար:
Դանիելի խաչ եկեղեցին /12-14 դդ./ գտնվում է Իջեւանի գերեզմանոցի մոտ եւ գործող եկեղեցի չէ:
