Մագադանի շրջանի Դաշնության խորհրդի անդամ Վլադիմիր Կուլակովը մահացել է Ղրիմում, դժբախտ պատահարի արդյունքում: Ինչպես հաղորդում է «ԻՏԱՌ-ՏԱՍՍ»-ը, խորհրդարանականը հանգստանում էր Ալուշտայում:
Ռուսաստանի քննչական կոմիտեի պաշտոնական ներկայացուցիչ Վլադիմիր Մարկինի խոսքով, լողալու ժամանակ 65-ամյա Կուլակովին հարվածել է կողքով անցնող մոտորանավակը: Փրկարարա-որոնողական աշխատանաքների ժամանակ հայտնաբերվել է մահացածի մարմինը: Մոտորանավակը միջադեպից հետո փորձել է թաքնվել ծովում, սակայն շուտով գտնվել է:
«Ներկայումս հաստատվում է մոտորանավակի կառավարչի անձը եւ տեղի ունեցածի հանգամանքները», - նշել է Մարկինը: Փաստի առթիվ հարուցվել է քրեական գործ «Անզգուշությամբ մահ պատճառելու» հոդվածով: