2011թ. գարնանը ոչնչացված ահաբեկիչ Ուսամա բեն Լադենի ընտանիքը իտալական Տոսականա նահանգի հյուսիսում ձեռք է բերել լեգենդար քարհանքը: Այդ մասին հաղորդում է «ԻՏԱՌ-ՏԱՍՍ»-ը՝ վկայակոչելով The Daily Telegraph թերթին:
«SBG սաուդյան ընկերությունը, որի սեփականատերը բեն Լադենի ընտանիքն է, 45 մլն եվրոյով ձեռք է բերել Marmi Carrara ընկերության բաժնետոմսերը, վերջինիս կապիտալում իրենց մասնակցությունը հասցնելով 50%-ի», - նշում է պարբերականը:
Քարհանքի վաճառքի տարեկան չափերը կազմում են 425 մլն դոլար:
Այդ քարն օգտագործել ել Հռոմի կայսրերը: Դրանցից է կառուցվել Լոնդոնի Մարմարե կամարը: Այստեղի մարմարից է Միքելանջելոն ստեղծել իր Դավիթը:
Բեն Լադենի ընտանիքի շինարարական կայսրությունը ստեղծել է եմենցի ներգաղթյալ Մուհամեդ բեն Լադենը: 22 կանանցից նա ունեցել 53 երեխա, որոնցից 17-ին անվանել են Ուսամա: Սկզբնապես Ուսաման մասնակցել է ընտանեկան շինարարական բիզնեսին, սակայն հետագայում անցել ահաբեկչական գործունեության՝ ձեւավորելով «Ալ-Քաիդան»: