Հայաստանի ԱԻՆ-ում, այսօր՝ օգոստոսի 1-ին, ժամը 15.37-ին ահազանգ է ստացվել, որ Սյունիքի մարզի Գորիս-Տաթեւ ավտոճանապարհին տեղի է ունեցել ավտովթար:
Ոստիկանության մամուլի ծառայությունից հայտնում են, որ դեպքի վայր է մեկնել մեկ մարտական հաշվարկ:
Պարզվել է, որ միջհամայնքային Հ-45 ավտոճանապարհի Գորիս-Հարժիս 12-րդ կմ-ին դեռեւս չբացահայտված հանգամանքներում «ԲՄՎ X5» մակնիշի 300 ԼS 03 համարանիշի ավտոմեքենան դուրս է եկել ճանապարհի երթեւեկելի մասից եւ մոտ 150 մետր շրջվել ձորը, ինչից վարորդը եւ երկու ուղեւորները տեղում զոհվել են:
Հրշեջ-փրկարարները 3 զոհերին դուրս են բերել ձորակից եւ պատգարակով մոտեցրել շտապօգնության ավտոմեքենային: