«Աստղային պատերազմների» 7-րդ էպիզոդի նկարահանումների հրապարակը տեղակայվել է իռլանդական Սքելլինգ-Մայքլ կղզում: Սակայն դա տեղի բնապահպանների վրդովմունքն է առաջացրել:
Մասնագետները հաղորդել են, որ հենց այս ժամանակահատվածում է սկսել թանձրահավերի եւ մրրկահավերի բազմացումը եւ նկարահանումները սպառնում են այդ պրոցեսին, քանի որ խաթարում են թռչունների կեցության բնական միջավայրը, հաղորդում է «Իմ մոլորակը»:
Սակայն նկարահանումների կազմակերպիչները պնդում են, որ նկարահանող խմբի գործողություններում ոչ մի ապօրինի բան չկա, եւ որ նկարահանումները կազմակերպվել են տեղական թռչունների բազմացման ժամանակահատվածը հաշվի առնելով: