Ռուսական 12 ավիաընկերություններ, այդ թվում «Աէրոֆլոտ»-ը եւ «Վիմ Ավիա»-ն, տուգանվել են մոտ 9 մլն դոլարով՝ Ուկրաինայի օդային տարածքն օգտագործելու կանոնները խախտելու համար, հաղորդում է երկրի պետական ավիացիոն ծառայության մամուլի ծառայությունը:
«Ուկրաինայի պետական ավիածառայությունը հաղորդում է, որ հուլիսի 31-ի դրությամբ Ուկրաինայի օդային տարածքն օգտագործելու կանոնները խախտելու համար ռուսական ավիաընկերությունների նկատմամբ տուգանքներ են սահմանվել Ուկրաինայի օրենսդրության համաձայն»,-ասված է հաղորդագրության մեջ:
Տուգանվել են 12 ընկերություններ մոտ 9 մլն դոլարի չափով: Ամենից խոշոր տուգանքները կիրառվել են «Աէրոֆլոտ-ռուսական ավիաուղիներ»-ի եւ «Վիմ Ավիա»-ի նկատմամբ: