Միացյալ նահանգները խորապես անհանգստացած են շփման գծում բռնության բորբոքմամբ, ինչի արդյունքում հուլիսի 31-ին զգալի կորուստների են գրացնվել:
ԱՄՆ-ը ցավակցություն է հայտնել զոհվածների եւ վիրավորվածների ընտանիքներին եւ կողմերին կոչ արել անհապաղ նվազեցնել լարվածությունը եւ հետեւել հրադադարի ռեժիմին: «Հակամարտության լուծման ռազմական ելք գոյություն չունի: Վրիժի գործողությունները կամ բռնության շարունակությունը ավելի կբարդացնեն հակամարտության խաղաղ կարգավորումը», ասվում է հայտարարության մեջ:
Ընդ որում, պետքարտուղարությունը կոչ է արել Հայաստանի եւ Ադրբեջանի առաջնորդներին հիմնական հարցերի շուրջ երկխոսության շարունակության նպատակով հանդիպել մոտակա ժամանակներս: «Մենք նաեւ կոչ ենք անում կողմերին ընդունել ԵԱՀԿ գործող համանախագահի առաջարկությունը՝ սկսել բանակցային գործընթացը, որը կարող է հանգեցնել խաղաղ համաձայնության ձեռքբերմանը: Մենք հավատարիմ ենք Մինսկի խմբի գործընթացին եւ պատրաստ ենք օգնել երկարաժամկետ կարգավորման ձեռքբերման ջանքերին», ասվում է հայտարարության մեջ:
Ինչպես ավելի վաղ էր հաղորդվել, միջադեպերի հետեւանքով կան զոհեր ինչպես հայկական, այնպես էլ ադրբեջանական կողմից: