Հայաստանի ԱԻՆ-ում, օգոստոսի 1-ին, ժամը 23.10-ին, ահազանգ է ստացվել, որ Դավիթաշենի կամրջի վրա տեղի է ունեցել ՃՏՊ, առկա է վառելիքի արտահոսք. անհրաժեշտ է փրկարարների օգնությունը:
Հայաստանի ԱԻՆ փրկարար ծառայությունից հայտնում են, որ դեպքի վայր է մեկնել մեկ մարտական հաշվարկ:
Պարզվել է, որ բախվել են «Տոյոտա» մակնիշի 75 OQ 001 համարանիշի (վարորդ Ղ. Ղ.), «Օպել Աստրա» մակնիշի 61 PP 060 համարանիշի (վարորդ Վ. Հ.), «ԲՄՎ X5» մակնիշի 39 MS 999 համարանիշի (վարորդ Ա. Ե.) եւ «Օպել Կորսա» մակնիշի 34 DC 997 համարանիշի (վարորդ Բ. Տ.) ավտոմեքենաները:
Հրշեջ-փրկարարները հոսանքազրկել են «Օպել կորսա» մակնիշի ավտոմեքենան եւ դադարեցրել վառելիքի արտահոսքը: Զոհեր եւ Տուժածներ չկան: