News
Լրահոս
News
Երեքշաբթի
Մարտ 19
Տեսնել լրահոսը

ՀՀ գյուղատնտեսության նախարարությունը Երեւանի քաղաքապետարանի աջակցությամբ Կենտրոն վարչական շրջանի «Մալիբու» սրճարանի հարակից տարածքում այսօր վերաբացել է գյուղատնտեսական մթերքների երկրորդ տոնավաճառը:

Տոնավաճառի պաշտոնական բացման արարողությանը ներկա էին ՀՀ գյուղատնտեսության նախարար Սերգո Կարապետյանը, Երեւանի փոխքաղաքապետ Դավիթ Օհանյանն ու Կենտրոն վարչական շրջանի ղեկավար Արա Սադոյանը: Նախարարը փոխքաղաքապետի ուղեկցությամբ շրջեց տոնավաճառի տաղավարներով, զրուցեց վաճառողների եւ գնորդների հետ, որոնք հույս հայտնեցին, որ այն շարունակական կլինի ու կընդգրկի նաեւ մայրաքաղաքի այլ վարչական շրջաններ:

Ողջունելով տոնավաճառի մասնակիցներին, նախարարը նրանց տեղեկացրեց, որ ՀՀ գյուղատնտեսության նախարարությունը գների դիտարկումներ է անցկացրել Երեւանում գործող մանրածախ առեւտրի մյուս շուկաներում, որոնց հիման վրա կազմվել է գյուղմթերքի վաճառքի կողմնորոշիչ գների ցուցակ, որը փակցվել է տոնավաճառի յուրաքանչյուր տաղավարում: Նախարարի համոզմամբ, այդ գները պարտադրող չեն, սակայն  թույլ կտան  տոնավաճառին մասնակցող գյուղատնտեսներին ավելի լավ կողմնորոշվել իրենց արտադրանքի գնագոյացման խնդրում, իսկ գնորդներին հնարավորություն կտան տեղեկանալու մայրաքաղաքում վաճառվող գյուղմթերքի գների մասին:

«Երեք շաբաթ շուտ բացեցինք գյուղատնտեսական այս տոնավաճառը՝ ելնելով երկուստեք պահանջից: Անհրաժեշտության դեպքում կբացվի գյուղատնտեսական մթերքների երրորդ տոնավաճառը», - ասաց ՀՀ գյուղատնտեսության նախարարը:

Տոնավաճառին, որը կկազմակերպվի յուրաքանչյուր շաբաթ եւ կիրակի օրերին, մասնակցում են հանրապետության տարբեր մարզերի շուրջ 100 գյուղացիական տնտեսություններ, որոնք սպառողներին ներկայացնում  են բացառապես սեփական արտադրանքը: Տոնավաճառի մասնակիցներին ՀՀ գյուղատնտեսության նախարարությունն անվճար հիմունքներով տրամադրել է հարմարավետ վրաններ, վաճառասեղաններ, կշեռքներ ու սայլակներ:  Երեւանի քաղաքապետարանն, իր հերթին, աջակցել է տարածքի տրամադրման հարցում եւ յուրաքանչյուր տոնավաճառի օրվա ավարտին իրականացնելու է տարածքի մաքրման աշխատանքներ:

Գյուղացիական տնտեսությունների մասնակցելու պայմանները տոնավաճառներին, որոնք անց են կացվում 2011 թվականից, անփոփոխ են: Մասնակցությունը տոնավաճառին թույլատրվում է միայն գյուղատնտեսության աջակցության մարզային կենտրոնների (ԳԱՄԿ) կողմից տրված համապատասխան տեղեկանքների առկայության դեպքում, որոնք հավաստում են, որ վաճառքի ներկայացվող ապրանքը հանդիսանում է տվյալ մասնակցի սեփական արտադրանքը:

Տոնավաճառին առեւտրային միջնորդների մասնակցությունը բացառելու նպատակով կազմակերպիչների կողմից տեղում իրականացվում  է վերահսկողություն:

Նշենք, որ այս տարվա գյուղատնտեսական առաջին տոնավաճառը վերաբացվել է հունիսի 8-ին Կասյան փողոցի վերին հատվածում:

Տպել
Կարդացեք նաև
Ամբողջը
Փետրվարին 150 հարկ վճարողի մոտ արձանագրվել է ՀԴՄ կիրառման կանոնների խախտում. տուգանքի չափը կազմել է 52․45 մլն դրամ
Պետական եկամուտների կոմիտեն տեղեկացնում է, որ 2024 թվականի փետրվար...
«Փաստ». Իբր փողի խնդիր չկա, բայց գնում են թե՛ գների, թե՛ հարկերի դրույքաչափի բարձրացման ճանապարհով
Որպեսզի տնային տնտեսությունների պայմաններում կարողանանք եկամուտն ավելացնել, պետք է կա՛մ մի քանի...
Դոլարն ու եվրոն էժանացել են
ԱՄՆ դոլարի փոխարժեքն այսօր՝ մարտի 18-ին, կազմել է…
Կանանց տնտեսական զորեղացման ուղղությամբ ՀՀ կողմից իրականացվող ծրագրերը ներկայացվել են Նյու Յորքում քննարկման շրջանակում
Անդրադառնալով կին ձեռներեցների գործունեությանը խրախուսելու ՀՀ կառավարության քաղաքականությանը՝ նախարար Մկրտչյանն այս գործընթացում...
PROFAL-ը և ML Mining-ը համագործակցության պայմանագիր են ստորագրել
Երկու ընկերությունների համագործակցությունը կիրականացվի «Այգիներ Պրեմիում», «Դալմա Հիլզ» և «Ադոնց Պրեմիում» նախագծերի շուրջ...
Կհստակեցվի սպանդային մթերքի և մսամթերքի մակնշման մեջ նշված սննդային արժեքի վերաբերյալ տեղեկությունը
Հանձնաժողովի խորհուրդը մինչև այդ փոփոխությունների ուժի մեջ մտնելը տրված կամ ընդունված սպանդային մթերքի և մսամթերքի համապատասխանության…
Ամենաշատ