Հռոմի Ֆրանցիսկոս պապը հանել է Սալվադորից արքեպիսկոպոս Օսկար Ռոմերոյին օրհնյալների շարքը դասելու արգելքը:
Հռոմի կաթոլիկ եկեղեցին մի քանի տարի է արգելում էր այդ գործընթացը՝ նշելով, որ արքեպիսկոպոսը մարքսիստական գաղափարների համակիր էր:
Քաղաքացիական պատերազմի տարիներին արքեպիսկոպոսը հայտնի էր դարձել զինվորական ռեժիմի հասցեին հնչեցրած իր քննադատությամբ: Նրան 1980թ. պատարագի ժամանակ սպանել էին աջ ռադիկալները:
Այժմ Հռոմի կաթոլիկ եկեղեցին կարող է Ռոմերոյին օրհնյալների շարքը դասել, որը սրբացման ճանապարհին անհրաժեշտ աստիճան է:
Ֆրանցիսկոսը Ռոմերոյին անվանել է «Աստծո մարդ» եւ սրբացման արագ գործընթացի հույս հայտնել, փոխանցում է BBC-ի ռուսական ծառայությունը:
