ԵԿՄ վարչության նախագահ, գեներալ Մանվել Գրիգորյանը պատերազմ լինելու դեպքում խոստանում է օլիգարխների եւ պաշտոնյաների որդիներին նույնպես տանել բանակ: Այս մասին այսօր՝ օգոստոսի 19-ին, լրագրողների հետ զրույցում ասաց ԵԿՄ վարչության նախագահ, գեներալ Մանվել Գրիգորյանը:
«Սաղին կտամ դեմս, քշեմ, տանեմ ընդե, եղա՞վ։ Էն վախտ էլ եմ տարել, տենց մարդ չի եղել՝ ինձնից փախնի»,-ասաց նա:
ԵԿՄ վարչության նախագահը վստահ է, որ այսօրվա սերունդն ի վիճակի է պաշտպանել սահմանը։
«Երբ որ ես պուճուր էի, մեր պապերն ասում էին՝ դո՞ւք պիտի պահեք երկիրը, փաստորեն, պահեցինք, բայց ես վախում եմ, նման բան չեմ ասում, ասում եմ՝ դուք եք պահում, դուք եք էս երկրի տերը մեր նոր սերնդին»,- հավելեց Մանվել Գրիգորյանը:
