Մոսկվան Արեւմուտքի պատժամիջոցային քաղաքականությանն ի պատասխան պատժամիջոցներ է մշակում, հայտնում է «ՌԻԱ Նովոստին»՝ վկայակոչելով ՌԴ նախագահի մամուլի քարտուղար Դմիտրի Պեսկովին:
«Մշակվում են տարբերակներ: Մենք քանիցս հայտարարել ենք, որ Ռուսաստանը կողմնակից չէ պատժամիջոցների լեզվով խոսելուն եւ դրա նախաձեռնողը չէր: Բայց եթե մեր գործընկերները շարունակեն ոչ կառուցողական, անգամ ապակառուցողական պրակտիկան, ապա այս հաշվով հավելյալ միջոցներ են մշակվում», - ասել է Պեսկովը:
Ավելի վաղ Ռուսաստանը ի պատասխան Արեւմուտքի պատժամիջոցների, սահմանափակել էր մի շարք ապրանքների ներկրումը ԱՄՆ-ից, ԵՄ երկրներից, Կանադայից, Ավստրալիայից եւ Նորվեգիայիվց: Արգելված ապրանքների ցանկում հայտնվել էին տավարի, խոզի միսը, թռչնամիսը, ձուկը, կաթնային արտադրանքը, մրգերը, ընդեղենը ու այլ մթերքներ:
