Beeline–ն առաջարկում է բջջային կապի ֆիզիկական անձ հանդիսացող բաժանորդներին իրենց ծննդյան օրն այցելել Beeline Վաճառքի եւ սպասարկման ցանկացած գրասենյակ եւ որպես նվեր ստանալ 1000 ներցանցային րոպե կամ 1000 ՄԲ Ինտերնետ։
Նվերը ստանալու համար անհրաժեշտ է ծննդյան օրը անձնագրով կամ անձը հաստատող որեւէ փաստաթղթով ներկայանալ Beeline գրասենյակ։ Եթե ծննդյան օրը համընկնում է հանգստյան կամ ոչ աշխատանքային օրերի հետ, եւ գրասենյակը չի աշխատում, ապա բաժանորդը կարող է ստանալ անվճար ՄԲ կամ րոպեները հանգստյան օրերին հաջորդող առաջին օրը:
«Beeline բաժանորդները մշտապես գտնվում են մեր ուշադրության կենտրոնում եւ մենք անում ենք հնարավոր ամեն ինչ նրանց գոհանակությանը եւ բարձր գնահատականին արժանանալու համար։ Ծննդյան տարեդարձի կապակցությամբ մեր առաջարկը պարզ, հարմար եւ հատուկ մեր բաժանորդների համար է», – նշեց Հայաստանում Beeline-ի գլխավոր տնօրեն Անդրեյ Պյատախինը։
Նշենք, որ նվերը ստանալու համար բաժանորդը պետք է լինի բջջային համարի գրանցված օգտատեր։ Անվճար րոպեները կամ ՄԲ-երը տրամադրվում են 7 օր ժամկետով: 7 օրյա ժամկետն լրանալուց հետո չօգտագործված րոպեները եւ ՄԲ-երը զրոյանում են: