Փրկարար ծառայությունն օգոստոսի 19-ին, ժամը 11.55-ին ահազանգ է ստացել, որ Սեւան-Ծովագյուղ ավտոճանապարհի 10-րդ կմ-ի մոտակայքում վթար է եղել:
Դեպքի վայր է մեկնել մեկ մարտական հաշվարկ:
Պարզվել է, որ Մ-4 միջպետական ավտոճանապարհի Ծովագյուղ-Դիլիջան 5-րդ կմ-ում «Միտսուբիշի» մակնիշի 34DR4251 պետհամարանիշով ավտոմեքենան դուրս է եկել ճանապարհի երթեւեկելի մասից եւ շրջվել ձորը:
Հրշեջ փրկարարները Ա. Ս.-ին (ծնվ. 1980թ.), Վ. Շ.-ին (ծնվ. 1983թ.) եւ Գ. Մ.-ին (ծնվ. 1991թ.) դուրս են բերել ձորից եւ պատգարակով մոտեցրել շտապօգնության ավտոմեքենային:
Տուժածները հոսպիտալացվել են Սեւանի ԲԿ, որտեղ նրանց առողջական վիճակը գնահատվել է ծանր: