ԳՖՀ-ի կանցլեր Անգելա Մերկելը օգոստոսի 23-ին պաշտոնական այցով կժամանի Կիեւ:
Ուկրաինայի նախագահ Պյոտր Պորոշենկոյի հետ հանդիպման ժամանակ կքննարկվի Ուկրաինայում տիրող իրավիճակը, ռուս-ուկրաինական հարաբերությունները, հաղորդել է Գերմանիայի կառավարության պաշտոնական ներկայացուցիչ Շթեֆան Զեյբերտը:
Նրա խոսքով՝ ԳՖՀ-ի կանցլերը ծրագրում է նաեւ քննարկել ճգնաժամային վիճակում Ուկրաինային աջակցություն ցուցաբերելու կոնկրետ հնարավորությունները:
Բացի Պորոշենկոյից, Մերկելը կհանդիպի նաեւ Ուկրաինայի վարչապետ Արսենի Յացենյուկի հետ, հաղորդել է ԳՖՀ-ի կառավարության ներակայացուցիչը: Նրա խոսքով՝ ենթադրվում է, որ Գերմանիայի կանցլերը նաեւ կշփվի ուկրաինական մի շարք քաղաքների ղեկավարների հետ, հաղորդում է Deutsche Welle-ի ռուսական ծառայությունը:
