Հնդկաստանի Մադրաս քաղաքի դատարանի շենքի դիմաց՝ Հայկական փողոցի առեւտրային շինությունների միջեւ, տեղակայված է հայկական եկեղեցին: Այն Հնդկաստանի հնագույն եկեղեցիներից է, որտեղ կարելի է գտնել շուրջ 350 հայի գերեզման: Սակայն, Փարիզի հայ հետազոտողների ընկերակցության ուսումնասիրող եւ պատմաբան Սաթենիկ Բաթվագանի խոսքով՝ այս թիվը խամրում է այն անհամար հայերի թվի առաջ, որոնք երջանիկ ու բարեկեցիկ կյանք էին վայելում Մադրասում:
Հնդկաստանի «Deccan Chronicle» թերթը գրում է, որ Բաթվագանը ներկայումս Չենայ կոչվող քաղաքում է՝ այնտեղ հայկական եկեղեցու շենքում «Հայերը Մադրասում» խորագրով ցուցադրություն կազմակերպելու համար՝ «Մադրասի շաբաթվա» շրջանակներում: «Այսօր բազմաթիվ հայ դպրոցականներ գիտեն Մադրասում հայերի ունեցած դերի մասին: Նրանք ցանկանում են իմանալ իրենց անցյալի մասին, եւ հատկապես Մադրասը զգալի դեր է խաղացել», – նշել է նա:
Ուսումնասիրելով հայերի տեղաշարժերը մինչեւ Չենայ՝ պատմաբանն ասել է. «Ի տարբերություն մյուս եվրոպացիների, ինչպիսիք են պորտուգալացիները, հոլանդացիները եւ ֆրանսիացիները, որոնք նույնպես եկել են 17-րդ եւ 18-րդ դարերի ընթացքում, հայերը հիմնականում առեւտրական են եղել եւ ն գաղութատիրական մտադրություններ չեն ունեցել: Այդ պատճառով էլ տեղի բնակիչները նրանց լավ են վերաբերվել»:
