Ոստիկանության Բազումի բաժնում հուլիսի 11-ին ահազանգ է ստացվել, որ Վանաձորի փողոցներից մեկում ոմն Գուգո թմրանյութ է օգտագործում:
Մեկնելով դեպքի վայրը՝ ոստիկանները պարզել են, որ Գուրգեն Հակոբյանը թմրամիջոց է պատրաստել՝ ներարկման միջոցով օգտագործելու համար: Նրա մոտ հայտնաբերվել է 2 ներարկիչ, մեկական լիտր տարողության երկու տեսակի հեղուկ, որը հետագայում պարզվել է, որ թմրանյութ է:
Փաստի առթիվ ոստիկանության Բազումի բաժնում հարուցվել է քրեական գործ Քրեական օրենսգրքի 268-րդ հոդվածի 1-ին մասով: Քննությունը շարունակվում է:
Մանրամասները՝ ոստիկանության պատրաստած տեսանյութում: