Վրաստանում Հայաստանի նորանշանակ դեսպան Յուրի Վարդանյանը օգոստոսի 19-ին Վրաստանի արտգործնախարար Մայա Փանջիկիձեին է հանձնել հավատարմագրերի պատճենները:
Հավատարմագրերը հանձնելուց հետո հանդիպման ժամանակ քննարկվել են հայ-վրացական համագործակցության արդիական հարցերը, ինչպես նաեւ 2014թ. օգոստոսի 21-22-ին Վրաստանի վարչապետ Իրակլի Գարիբաշվիլիի նախատեսվող այցի պատրաստությունները, ասվում է ԱԳՆ-ի հաղորդագրության մեջ:
Հայաստանի դեսսպանը պատրաստակամություն է հայտնել նպաստել երկրների միջեւ բարիդրացիական համագործակցության խորացմանը: Հանդիպման ավարտին Վրաստանի արտաքին քաղաքական գերատեսչության ղեկավարը հայ դիվանագետին նոր պաշտոնում հաջողություններ է մաղթել, հաղորդում է «Նովոստի Գրուզիան»:
Հայաստանի նախագահ Սերժ Սարգսյանը հունիսի 24-ին Յուրի Վարդանյանին Վրաստանում Հայաստանի արտակարգ եւ լիազոր դեսպան նշանակելու մասին հրամանագիր էր ստորագրել: Հայաստանի նախկին դեսպան Հովհաննես Մանուկյանը նշանակվել է արդարադատության նախարար:
