Իսրայելի ռազմաօդային ուժերը վերսկսել են Գազայի հատվածի ուղղությամբ զանգվածային օդային հարձակումները՝ ի պատասխան իսրայելական տարածքների հրթիռակոծության։ Այս մասին տեղեկացնում է ԻՏԱՌ ՏԱՍՍ-ը։

Հաղորդվում է նաեւ Գազայի շրջաններում Իսրայելի բանակի եւ պաղեստինյան ծայրահեղականների միջեւ ցամաքային բախումների մասին։ Արդյունքում առնվազն 2 պաղեստինցի է զոհվել, մի քանի մարդ վիրավոր է։

Ընդհանուր առմամբ,  իսրայելական ռազմական գործողության մեկնարկից ի վեր Գազայի հատվածում ավելի քան 1.000 պաղեստինցի է զոհվել, շուրջ 6.000 մարդ վիրավորվել է։ Իսրայելական կողմից ավելի քան 30 զինվոր եւ սպա է զոհվել։