ՄԱԿ-ի գլխավոր քարտուղար Բան Կի-Մունը դատապարտել է Գազայի հատվածում հրադադարի ռեժիմի խախտումը: Բան Կի-Մունի հայտարարության մեջ նշվում է, որ ՄԱԿ-ում խորապես անհանգստացած են ռազմական գործողությունների վերսկսմամբ, որի համար պատասխանատվություն են կրում Իսրայելը եւ ՀԱՄԱՍ-ը: Գազայի հատվածում ճգնաժամի պատճառներից մեկը ՄԱԿ-ում անվանել են Իսրայելի կողմից տարածաշրջանի արգելափակումը, փոխանցում է BBC-ի ռուսական ծառայությունը: Ավելի վաղ հաղորդվել է, որ չնայած հրադադարը եւս 24 ժամով երկարացնելուն, պաղեստինցիները եւ իսրայելցիները վերսկսել են միմյանց դեմ մարտական գործողությունները: