Մոտակա օրերին պաշտոնը լքել պատրաստվող Թուրքիայի նախագահ Աբդուլլագ Գյուլը հրաժեշտի ընդունելության ժամանակ հայտարարել է, թե Թուրքիայի նոր վարչապետն է լինելու Ահմեդ Դավութօղլուն:
Թուրքական Hurriyet-ի փոխանցմամբ՝ Թուրքիայի նախագահ Աբդուլլահ Գյուլը նախագահական պալատում գործարարների եւ արվեստագետների համար կազմակերպված հրաժեշտի ընդունելության ժամանակ հայտնել է, որ օգոստոսի 27-ին ներկայիս ԱԳ նախարար Ահմեդ Դավութօղլուն կդառնա իշխող կուսակցության նախագահ եւ երկրի վարչապետ:
Գյուլը շեշտլ է, թե ինքն է Դավութօղլուին մտցրել քաղաքականություն եւ հուսով է, որ նա նոր պաշտոնում է հաջողակ կլինի, իսկ իրենք ամեն դեպքում աջակցելու են Դավութօղլուին:
Խոսքի վերջում Գյուլը հիշեցրել է, որ ինքն ուղղակի նվեր չի ստացել նախագահի պաշտոնը, այլ դրան հասել է քաղաքական պայքարի արդյունքում:
Նշենք, որ Թուրքիայում օգոստոսի 10-ին կայացած նախագահական ընտրություններում արդեն նախկին վարչապետ Ռեջեփ Թայիփ Էրդողանն ընտրվել է Թուրքիայի նախագահ եւ օգոստոսի 27-ից պաշտոնապես կստանձնի պարտականությունները: