Մերձմոսկվայի հյուսիս-արեւմուտքում բեռնատարի ու թեթեւ մարդատարի բախման արդյունքում 3 մարդ է այրվել, հայտնում է «Ինտերֆաքսը»՝ վկայակոչելով ՌԴ ՆԳՆ մամուլի կենտրոնը։
«Լույս երեքշաբթի գիշերը Վոլոկոլամսկի մայրուղու 96-րդ կմ-ին МАN բեռնատարի 43-ամյա վարորդը բախվել է նույն ուղղությամբ շարժվող «Դեու» թեթեւ մարդատար մեքենային», - նշել են մամուլի կենտրոնից։
Հարվածից թեթեւ մարդատար մեքենան հայտնվել է հանդիպակաց գոտում, որից հետո այրվել՝ վարորդի եւ երկու ուղեւորների հետ միասին։ Պատահարի հանգամանքները ճշտվում են, որոշվում է քրեական գործ հարուցելու հարցը։
