ԱՄՆ-ի ռազմաօդային ուժերը նախօրեին երկու անգամ հարվածել են Իրաքում գրոհայինների դիրքերին, ընդ որում, մեկ անգամը՝ անհաջող: Այս մասին երեքշաբթի հայտարարել է ամերիկյան ԶՈՒ կենտրոնական հրամանատարությունը:
Ռմբակոծումները «Մոսուլ» ամբարտակի տարածքում են եղել:
«Հարվածներից մեկի արդյունքում ոչնչացվել է «Իսլամական պետություն» խմբավորման գրոհայինների անցակետը: Մյուս հարվածն անհաջող էր», - ասված է հաղորդագրությունում: Դրանում ընդգծվում է, որ գործողությանը մասնակցող մարտական օդանավը բարեհաջող լքել է վայրը:
ԱՄՆ-ի ՊՆ-ն նաեւ հաստատել է, որ իրաքյան անվտանգության ուժերը գրոհայիններից մաքրել են «Մոսուլ» ամբարտակի տարածքը, եւ այժմ քրդական զինված միավորումները ընդլայնում են վերահսկողության ծավալները, հայտնում է ԻՏԱՌ-ՏԱՍՍ-ը: